عن صاحب المدونة

إسمى مصطفى على 29 سنة

بكالوريوس هندسة

عملت فترة فى قسم الحجوزات بفنادق شرم الشيخ، وعندى خبرة كويسة إنى أفيد الناس اللى ينوون المجئ لشرم الشيخ لقضاء رحلة ترفيهية، وأقدم معلومات عن أفضل طرق حجز الفنادق، واللى أفضلها هى أن تقوم بحجز الفندق اللى تختاره بنفسك عن طريق الإنترنت، ده الأسلوب الأمثل والأفضل والمتّبع فى كل العالم وبيدعمه التقدم الهائل فى التنكولوجيا ودورها المساعد فى البحث عن الخدمات بنفسك وإختيار الأنسب

عشان كده عملت الموقع ده مساهمة فى الترويج للسياحة، ولتقديم خدمات سياحية ومعلومات ونصائح للمسافرين

السياحة فى مصر قطاع مهم ولو تم إدارته بشكل صحيح هيكون له مردود قوى وسريع

أهم عناصر السياحة موجود عندنا، البنية التحيتة زى الفنادق والمولات والطرق والخدمات السياحية موجودة، واللى بتشتمل على العاملين فى مجال السياحة، الشواطئ الطبيعية والمنتزهات اللى فى منتهى الجمال، الجو الطبيعى ودرجة الحرارة المناسبة للسياحة فى موسم الصيف  وموسم الشتاء على حد سواء

لعام 2005 BBC شرم الشيخ أخدت تقييم رابع أفضل وجهة سياحية فى العالم حسب تصنيف الـ

لازم نعرف قيمة السياحة عندنا، وانا دايما أقول أن السياحة فى مصر لسه فى بدايتها، إنما نهايتها كأعلى ربح ممكن تجنيه منها وأكبر عدد سياح يمكن أن تستوعبه السياحة لايمكن لحد يتخيله

شرم دى قطعة من الجنة مش زى ما المهاويس بيرددوا قطعة من جهنم