رحلات السفارى بشرم الشيخ هى مغامرة مثيرة وسط صحراء سيناء حول شرم الشيخ، رحلة السفارى تكون بموتوسيكلات بأربع عجل تسمة "بيتش باجى"، وهى موتوسيكلات أتوماتيكية، التحكم فيها سهل ومرن بها ذراع للسرعة وذراع للفرامل، الموتوسيكل مناسب لشخص واحد أو شخصين.
 |
| الإستعداد للإنطلاق بالرحلة |
 |
| رحلة السفارى سط الجبال |
سمعت حد بيقولك الصحراء دى عملت فى روحى جو مقدرش أوصفه، السفارى كده، جو الصحراء متعة بلا حدود، الإخوة الخليجيين فى بلادهم كل فترة بيعملوا حاجة اسمه تخييم، ياخد أكل وشرب ولوازمه ويعيش يومين بالصحراء، السفارى حاجة مبسطة عن دى، بتديك لمحة عن جو الصحراء.
هى تجربة جميلة انك تعيش فى الصحراء وتشوف الجبال الملونة و هتسمع صدى الصوت وسط الجبال وألوان الطبيعة الخلابة فى لحظات الغروب، وفيه رحلات فى الفجر ساعة الشروق.
بيكون فيه وقت للراحة فى نص الرحلة تقريبا لتناول شاى بدوى، وبعدها بتقضى وقت فى خيام بالصحراء مجهزة لتناول العشاء البدوى، والعشاء البدوى بتكون ضمن الرحلة حسب البرنامج الذى وضعه منظمى الرحلة، إنت بتبقى محدد ده فى برنامجك للرحلة.
هتستمتع بوقت لطيف، هتشوف عروض راقصة و ترفيهية وفلوكلور شعبى على النمط البدوى، وتتعرف على عادات البدو ومعيشتهم.
فيه عروض رحلات ميكس سفارى لرحلة أكثر متعة وترفيه
 |
| إستراحة شاى بدوى لذيذ |
السفارى ممكن يبقى بالعربات الجيب "الكار باجى" وممكن يبقى بسفينة الصحراء اللى هو الجمال وهو حيوان مسالم ولطيف، متخافش منه، لكن المعروف والمشهور هو البيتش باجى، إختار اللى يناسبك ويناسب وقت رحلتك فى شرم الشيخ.
 |
| المتعة وسط جبال شرم الشيخ |
خد معاك شال بدوى ونظارة شمس عشان الرمل أثناء الرحلة و ملابس رياضية خصوصا الحذاء الرياضى.
إوعى تيجى شرم الشيخ ومتروحش رحلة السفارى، هيفوتك كتير.
